КИЯНОВА

     ЗАМЗАГУЛ ЕРТАЙҚЫЗЫ
#БІЗБІРГЕМІЗ
 
         
                              http://www.gov.kz/memleket/entities/anticorruption?lang=ru













                     


АДАЛ ҰРПАҚ- МӘҢГІЛІК ЕЛДІҢ КЕПІЛІ



17 қаңтар

Бүгін елордамызда Сыбайлас жемқорлыққа қарсы іс-қимыл Агенттігінің бастамасымен барлық білім 
беру мекемелерінде республикалық «Адалдық сағаты» акциясы өткізілді.Іс-шараға Департамент басшылығы, «Астана - адалдық алаңы» жоба менеджерлері, департамент жанындағы ақпараттық үгіт-насихат штабының жетекшісі Сәдібек Түгел және мүшелері Ербол Іргебай, Қарлығаш Ерғазы, Ернар Жұматаев, Арнайы мониторингтік топтың мүшелері, білім басқармасының өкілдері, қоғам қайраткерлері, сондай-ақ «Нұр Отан» партиясының өкілдері қатысты.Іс-шараның басты мақсаты - рухани құндылықтарды насихаттай отырып парасатты, саналы ұрпақты қалыптастыру.Департамент басшысының бірінші орынбасары Жазира Жылқышиева «Адалдық сағаты» акциясы барысында №53 мектептің оқушыларымен кездесті. Мектепте жалпы 3390 оқушы білім алады, оның ішінде акцияға қатысқандардың саны 400-ге жуық.Жазира Жылқышиева Ұлы Абайдың «Үш - ақ нәрсе адамның қасиеті: ыстық қайрат, нұрлы ақыл, жылы жүрек» нақыл сөзімен бастады.«Жас ұрпақтың бойына адамгершілік дәнін егіп, олардың әрқайсысына қайырымдылық, әділ және адал еңбек ету және адалдық секілді игі қасиеттерді дарыту – қоғам алдында тұрған басты міндет.«Жаста берген тәрбие – жас шыбықты игендей» демекші, әр оқушыға тек бар жақсыны үйретсек, келешегі кемел елдің ертеңі жарқын болмақ» - деп қорытындылады.Оқушылардың бойына рухани құндылықтарды насихаттау -ақыл-парасаты толысқан адал ұрпақ тәрбиелеу.Іс-шара барысында слайдтар мен бейнероликтер көрсетілді. Акцияда 10 мыңнан астам адам қамтылды. Оқушылардың белсенділігі, алғырлығы көз қуантады. Жалындаған жастардың отты көздері үлкен үміт күттіреді.












                                                                  «ПАРАСАТТЫЛЫҚ» деген не? АДАЛДЫҚ САҒАТЫ

Мейірімділік, адалдық, әділеттілік, сенімнен басқа, парасаттылық басқаларға деген адалдықты қамтиды, бірақ қатал шындық емес, өйткені бастысы - біреудің сезімдеріне зиян тигізбеу. Парасатты адам сатқындыққа, зұлымдыққа, агрессияға және басқа да өнегесіз әрекеттерге, сезімдерге қабілетті емес. Ол өз әрекетінде парасаттылық қағидалары мен жақсылық ережелерін қолданады, мысалға: • Досыңмен бөліс

• Адамдарға көмектес

• Әлсіз адамды қорға

• Қызғанба

• Өзгелердің қателіктерін кешір.

Осы пікірдің төңірегінде бүгін Нұр-Сұлтан қаласы әкімдігінің «№53 мектеп-лицей» КММ-де «Парасаттылық деген не?» атты адалдық сағаты ұйымдастырылды. Оған ҚР Нұр-Сұлтан қаласы бойынша Сыбайлас жемқорлыққа қарсы іс-қимыл департамент басшысының бірінші орынбасары - Жылқышиева Жазира Жақсылыққызы, мектеп директоры –Киянова Замзагул Ертаевна және ұстаздармен 8-11 сынып оқушылары қатысты. Адалдық сағатында мектеп директоры Замзагул Ертаевна сөз алып, парасаттылық және өз ісіне деген парасаттылық - еңбекке, өзімізге және айналамыздағы әлемге саналы және адал қарым-қатынас - бұл еліміздің табысының басты факторы екендігін атап өтіп, жас буынға біздің еліміздің жастар үшін үлкен мүмкіндіктер жасап жүргенін түсіндірді. Жазира Жақсылыққызы жастардың басты міндеті-жаңару, өзгеру екендігін түсіндіріп, жас ұрпаққа үндеу жасады. Парасаттылық - қазақша «парасаттылық» немесе ағылшын тілінде «integrity» - адалдық, заңдылық, тұтастық, сенімділік сияқты құндылықтарды біріктіретін күрделі ұғым. Бұрынғыдай тезис: «Өзіңнен баста». Осы қағидаларды оқушыларға баяндама үлгісінде тарих пәні мұғалімі Алиев Ербол Нұрмаханұлы сөз етті. Адалдық сағаты соңында мектебіміздің 200-ге жуық мүшесі бар еріктілер тобының белсенділері сөз алып, мектепте атқарылып жүрген жұмыстарын таныстырып өтті: 8 А сынып оқушылары, сынып жетекшісі – Хурмет Жанатбек ұстазымен бірге қаладағы балалар үйіне барып, балаларға қажетті кеңсе тауарлары мен ойыншықтарды сыйлады. Олармен бірге тренинг ұйымдастырып бірнеше сағат уақыттарын балаларға жылулық сыйлауға арнады. Мектебіміздің 9 Д сыныбы, сынып жетекшісі – Абдраханова Роза Керимхановнамен жәрмеңке ұйымдастырып, қаңғып жүрген үйсіз, бос қалған үй жануарларын қорғайтын фондқа тағамдарын сатып алып, апарып берді. Осыдай игі істердің нәтижесінде оқушылардың бойынан қайырымдылықты, мейірімділікті, сүйіспеншілікті аңғардық. Жастар- Қазақстанның болашағының негізгі қозғаушы күші, аға буынның лайықты өзгеруі.







20 қараша

ДҮНИЕЖҮЗІЛІК БАЛАЛАР КҮНІ

Дүниежүзілік балалар күні және Бала құқықтары туралы БҰҰ конвенциясы қабылданғанының 30 жылдығы мен ратификацияланғанының 25 жылдығын мерекелеуге арналған іс-шараларға байланысты 20 қараша күні мектебіміздің 10-11 сынып аралығында «Біз бақытты баламыз», «Біздің құқығымыз» және т.б. тақырыптарда бірыңғай тәрбие сағаттары ұйымдастырылды. Іс-шараның тәрбиелік мақсаты: өскелең ұрпақтың бойында баланың тұлғалық маңыздылығы мен қадір-қасиетіне деген сенімді дамыту, баланың тұрмыстық жағдайын жақсартуға үлес қосуды нығайту, баланың әл-ауқаты мен қорғанысына қатысты әлеуметтік және құқықтық қағидаларды қалыптастыру. Оқушылар сабақта топтық жұмыс арқылы тақырып бойынша өз ойларын ортаға сала білді.







8 қараша

ЕҢБЕККЕ БАУЛЫҒАН ҮЙІРМЕ ЖҰМЫСЫ

Мектебімізде жаңа оқу жылына жоспарланған үйірмелер қатарында "Өсімдік егу" үйірмесінің жұмыстары нәтиже беріп жүр. Үйірме жетекшісі- Есмаханов Рамазан Сақтағанұлы сенбі күндері 6-сынып оқушыларының бос уақытын тиімді пайдаланып, еңбекке баулиды. Аз уақытта Рамазан Сақтағанұлы шәкірттерімен бірге денсаулыққа пайдалы, астың дәмін келтіретін алғашқы көк жуаларын көп мөлшерде жинап алып, қаладағы балалар үйінің аспаздарына апарып берді. Сауабы мол, еңбегі берекелі үйірме жұмысына оқушылар қызығушылық танытып, сенбі сайын қалмай қатысады. Үйірме жұмысының болашақтағы жоспары- бұдан да көп өнім жинап, қажеттілікке жарату.







 









ПСИХОЛОГҚА СҰРАҚ
СЕНІМ ТЕЛЕФОНЫ
      ХАБАРЛАНДЫРУ!

 

Құрметті ата-аналар!

 

Нұр-Сұлтан қаласы «№53 мектеп-лицей» КММ  2020-2021 оқу жылында   бірінші сыныпқа баратын балалардың  ата-аналарынан немесе өзге де заңды өкілдерінен құжаттарды қабылдау ағымдағы күнтізбелік  жылдың 1 маусым мен 30 тамыз аралығында жүргізіледі. Бірінші сыныпқа балаларды қабылдау үшін төмендегідей құжаттар қажет:
1) баланың ата-анасынан немесе өзге де заңды өкілдерінен өтініш;;
2) баланың туу туралы куәлігінің көшірмесі;
3) денсаулық жағдайы туралы анықтама (026 / у-3 нысаны);
4) көлемі 3х4 см фотосурет – 2 дана.
Ескерту: бастауыш білімнің жалпы білім беретін оқу бағдарламаларын іске асыратын білім беру ұйымдарының бірінші сыныбына қабылдау кезінде емтихандар, тестілеулер, сынақтар, конкурстар жүргізілмейді. Мектеп әкімшілігі.


Ата-аналарды қабылдау кестесі:

Сейсенбі күні сағат 11.00-ден 13.00-ге дейін
Бейсенбі күні сағат 17.00-ден 19.00-ге дейін
тел.50-16-79, 50-16-82,

Сауалнама
Біздің сайт сізге ұнайма ???

Дауыс беру

СТАТИСТИКА
  • Осы айда 666
  • Осы аптада 292
  • Кеше 53
  • Бүгін 8
  • Онлайн 0
ПАЙДАЛЫ СІЛТЕМЕЛЕР